ELM VƏ TƏHSİL


Universitetdə müasir laboratoriyalar qurulur

Bakı,13 may, AZƏRTAC

Qərb Universitetində tədrisin keyfiyyətinin yüksəldilməsinə yönəlmiş əsaslı yenidənqurma işləri davam etdirilir.

Universitetdən AZƏRTAC-a bildirilib ki, bu ali məktəbin infrastrukturunun, maddi-texniki bazasının yaxşılaşdırılması üçün burada müasir qurğu və cihazlarla təchiz olunmuş laboratoriyalar qurulur. Xüsusilə mühəndislik istiqamətləri üzrə ixtisaslarla bağlı müasir standartlara cavab verən laboratoriyalar formalaşdırılır.

Laboratoriyaların təşkilinə bu sahədə böyük təcrübəsi olan ABŞ və Avropa şirkətləri cəlb edilib. Mexatronika və robototexnika mühəndisliyi, maşınqayırma, həmçinin meşəçilik, ağac emalının texnologiyası ixtisasları üzrə də laboratoriyaların qurulmasına başlanılıb. Ağac emalı ilə bağlı əldə olunacaq qurğular ölkədə ilk dəfə Qərb Universitetində tətbiq ediləcək.

Universitetdə genetik analizlərin aparılmasına imkan verən laboratoriya da olacaq. Lazımi cihaz və qurğuların alınması üçün müvafiq xarici şirkətlərlə danışıqlar müsbət nəticələnib. Universitetdə ekologiya mühəndisliyi sahəsi üzrə laboratoriya da qurulur. Burada aparılan bir sıra proseslər ölkə üzrə ilk dəfə Qərb Universitetində reallaşdırılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.