DÜNYA


Urmiya gölünün quruması təhlükəsi aradan qaldırılır

Tehran, 21 may, AZƏRTAC

İranın Qərbi Azərbaycan vilayətindəki Urmiya gölünün qurumasının qarşısı alınır.

Bu barədə məlumat verən vilayətin parlamentdəki təmsilçisi Seyyid Hadi Bahadori bildirib ki, hökumətin bu gölün məhv olmaması üçün gördüyü tədbirlər nəticəsində Zarrine və Simine çaylarının gölə axması təmin edilib. Gölün qurumasının qarşısını almaq üçün 10 illik proqram hazırlanıb. Ötən 3 ildə həyata keçirilən işlər artıq faydasını verməkdədir.

Qərbi Azərbaycan vilayətinin Ətraf Mühitin Qorunması İdarəsinin rəisi Pərviz Araste jurnalistlərə bildirib ki, hazırda göldə 2,4 milyard kubmetr su var. Halbuki 4 il əvvəl bu rəqəm 500 milyon kubmetr idi.

Onun sözlərinə görə, gölün səviyyəsi ildə 34 santimetr yüksəlir. Hökumətin hazırladığı proqramın tam icrasından sonra Urmiya gölündə suyun səviyyəsi daha da artacaq.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.