REGİONLAR


Uşaq-Gənclər Xalq Çalğı Alətləri orkestri Quba və Qusarda VİDEO

Quba, 16 may, Elxan Yusifli, AZƏRTAC

Mayın 16-da Dövlət Uşaq Filarmoniyasının Uşaq-Gənclər Xalq Çalğı Alətləri Orkestri Mədəniyyət və Turizm Nazirliyinin təşəbbüsü ilə Quba və Qusarda konsert proqramı ilə çıxış edib.

AZƏRTAC xəbər verir ki, konsert Azərbaycanın görkəmli bəstəkarı Səid Rüstəmovun 110 illik yubileyi münasibətilə keçirilən silsilə tədbirlər çərçivəsində təqdim olunub.

Bəşir Səfəroğlu adına Quba Mədəniyyət Evində konserti dinləyən tamaşaçılar Səid Rüstəmovun iyirmiyə yaxın əsərinə orkestrin ifasında qulaq asmaq imkanı qazanıb.

Şimal rayonlarına ilk dəfə səfər edən orkestr konsertdə 40 nəfərə yaxın heyətlə çıxış edib.

Gənc və uşaq musiqiçilərinin ifaları tamaşaçılar tərəfindən maraqla qarşılanıb.

Bədii rəhbəri və baş dirijoru Ağaverdi Paşayev olan orkestr günün ikinci yarısında qusarlı tamaşaçılar qarşısında çıxış edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.