DÜNYA


Vankuverdəki boş evlər vergiyə cəlb edilə bilər

A+ A

Bakı, 18 iyul, Ramiz Quliyev, AZƏRTAC 

Kanadanın cənub-qərbində yerləşən Vankuver şəhərinin meri boş saxlanılan şəhər əmlakının yeni vergi formasında cəriməyə cəlb olunmasını təklif edib.

AZƏRTAC “vergiler.az” saytına istinadla xəbər verir ki, təklif olunan verginin ev sahiblərinin uzun müddət istifadəsiz saxladıqları, əksəriyyəti şəhərin mərkəzində yerləşən evlərin kirayəyə verilməsinə stimul yaradacağı gözlənilir.

Şəhər meri bildirib ki, mənzil yalnız pul qazanmaq üçün vasitə deyil: “Biz çalışırıq ki, öz əmlakına biznes kimi yanaşan vətəndaşlar müvafiq məbləğdə vergi ödəsinlər”.

Hazırda şəhər meri əyalət hökumətlərinə müraciət etməyi planlaşdırır ki, onlar vergi dərəcələrini müəyyən etmək üçün icarəyə verilməsi mümkün olan boş əmlakların təsnifatı ilə bağlı təkliflərini irəli sürsünlər. Son statistikaya əsasən, il ərzində şəhərdə ümumilikdə 10 min 800 ev istifadəsiz qalır.

 

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.