“Vəkil hanı?” bədii filminin təqdimatı keçirilmişdir
Bakı, 25 may (AZƏRTAC). Mayın 25-də “Azərbaycan” kinoteatrında rejissor Ülviyyə Könülün “Vəkil hanı?” bədii filminin təqdimatı keçirilmişdir.
AZƏRTAC xəbər verir ki, təqdimatdan öncə çıxış edən filmin rejissoru bildirmişdir ki, Mədəniyyət və Turizm Nazirliyinin sifarişi ilə ekranlaşdırılan film yumorla dolu klassik komediya janrının qaydalarına uyğun çəkilmişdir.
Filmdə cavan bir vəkilin başına gələn hadisələrdən söz açılır.
Filmin ssenari müəllifləri Elza Ağayeva və Ramiz Fətəliyev, operatoru Rafiq Quliyev, rəssamı Rafiq Nəsirov, bəstəkarı Rəşad Haşımovdur.
Rollarda Bəhruz Vaqifoğlu, Toğrul Rza, Səidə Quliyeva, Qorxmaz Əlilicanzadə, Kamilə Babayeva, Bəhram Bağırzadə, Naina İbrahimova və başqaları çəkilmişlər.
Bölmənin digər xəbərləri
