REGİONLAR


Vəlvələçay üzərində yerləşən 120 metr uzunluğundakı körpü bərpa olunacaq

Şabran, 19 iyun, Elxan Yusifli, AZƏRTAC

Bakı-Quba-Rusiya Federasiyası dövlət sərhədi avtomobil yolunun 146-cı kilometrliyində Vəlvələçay üzərində yerləşən körpü bərpa olunacaq.

AZƏRTAC xəbər verir ki, körpünün uzun müddət istismarda olması, üzərində mütəmadi olaraq iritonnajlı yük maşınlarının hərəkəti, həmçinin yaz-yay aylarında leysan yağışları nəticəsində çayda sululuğun artması təmir-bərpa işlərinin başlanılmasını zəruri edib.

Aparılacaq təmir işləri zamanı körpünün özündə və dayaqlarında əlavə bərkitmə işləri aparılacaq, sutənzimləyici qurğular və mühafizə bəndləri bərpa olunacaq. Bununla da gələcəkdə ağırtonnajlı yük maşınlarının və sel sularının körpüyə ziyan vurmasının qarşısını alınacaq.

Təmir müddətində körpünün üzərində avtonəqliyyat vasitələrinin hərəkəti müvəqqəti olaraq dayandırılaraq, yaxınlıqda salınan alternativ yola yönəldiləcək. Alternativ yolun eni 8, uzunluğu isə 800 metrdir.

Vəlvələçay üzərində yerləşən və uzunluğu 120 metr olan yeddiaşırımlı körpü 1972-ci ildə inşa olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.