DÜNYA


Venesiya kinofestivalının fəxri mükafat sahiblərinin adları açıqlanıb

Bakı, 18 iyul, AZƏRTAC

Hollivudun qocaman sənətkarları sayılan Ceyn Fonda və Robert Redford 74-cü Beynəlxalq Venesiya Kinofestivalının münsiflər heyəti tərəfindən kinematoqrafiyanın inkişafına verdikləri töhfələrə görə “Müqəddəs Markın şiri” mükafatına layiq görülüblər.

AZƏRTAC tass.ru saytına istinadən xəbər verir ki, bu barədə məlumatı festivalın mətbuat xidməti açıqlayıb. Mükafatlar sentyabrın 1-də təqdim ediləcək.

Bu il 80 yaşını qeyd edən Ceyn Fonda karyerası ərzində iki dəfə “Oskar” və üç dəfə “Qızıl qlobus” mükafatını alıb. 2007-ci ildə isə Kann festivalının “Qızıl palma budağı”na layiq görülüb. C.Fondadan bir yaş böyük olan Robert Redford isə “Oskar” və “Qızıl qlobus”dan əlavə, Fransanın Fəxri Legion ordeni və ABŞ Prezidenti tərəfindən “Müstəqillik medalı” ilə təltif edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.