DÜNYA


Venesuela: etiraz aksiyaları zamanı daha 12 nəfər həlak olub

Bakı, 31 iyul, AZƏRTAC

Venesuelada Konstitusiya Assambleyasının yaradılması əleyhinə müxalifət tərəfindən təşkil olunan etiraz aksiyalarında həlak olanların sayı artmaqdadır.

AZƏRTAC TASS informasiya agentliyinə istinadla xəbər verir ki, son sutka ərzində etiraz aksiyaları zamanı azı 12 nəfər həlak olub. Hakimiyyətdən narazı olan venesuelalılar küçə nümayişlərinə qoyulan qadağalara baxmayaraq, etirazları davam etdirirlər. Assambleyaya seçki günü paytaxt Karakasda, eləcə də Merida və Taçira ştatlarında nümayişçilərlə təhlükəsizlik qüvvələri arasında yeni toqquşmalar baş verib. Bir çox yerlərdə aksiyalar kütləvi iğtişaşlarla nəticələnib.

Hökumət əleyhinə etiraz aksiyalarının baş qaldırdığı aprel ayından indiyədək həlak olanların sayı 110 nəfəri ötüb, 1,4 minədək insan həbs edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.