İQTİSADİYYAT


Vergi ödəyiciləri “İkitərəfli SMS” xidmətindən ödənişsiz şəkildə faydalana biləcəklər

A+ A

Bakı, 9 sentyabr, AZƏRTAC

Yaxın günlərdə 30 mindən çox vergi ödəyicisi “İkitərəfli SMS xidməti”ndən ödənişsiz şəkildə faydalana biləcəkdir.

Vergilər Nazirliyinin mətbuat xidmətindən AZƏRTAC-a verilən məlumata görə, indiyədək “İkitərəfli SMS xidməti” vasitəsilə xidmətə yalnız “Azercell” nömrələri ilə abunə olmuş şəxslərə vergi öhdəlikləri və vergi orqanının qanuni tələbləri barədə 10 istiqamətdə, xidmətdən sorğu vasitəsilə istifadə edən şəxslərə isə 3 istiqamətdə məlumatlar göndərilirdi.

“İkitərəfli SMS xidməti” vasitəsilə vergi ödəyicilərinə göndərilən məlumatların genişləndirilməsi məqsədilə görülmüş işlər nəticəsində 2014-cü ilin noyabrından etibarən abunə olmuş şəxslərə əlavə 11, xidmətdən sorğu vasitəsilə istifadə edən şəxslərə isə əlavə 2 istiqamət üzrə məlumatların göndərilməsi də təmin edilib.

Hazırda “İkitərəfli SMS xidməti” vasitəsilə abunə olmuş şəxslərə vergi öhdəlikləri və vergi orqanının qanuni tələbləri barədə 21, xidmətdən sorğu vasitəsilə istifadə edən şəxslərə isə 5 istiqamətdə məlumatlar göndərilir. Artıq digər mobil operatorların (“Bakcell”, “Nar”) abonentlərinə bu xidmətdən istifadə etmək imkanı yaradılıb.

“İkitərəfli SMS xidməti”nə olan marağı, eləcə də, bu xidmətin əhəmiyyətini nəzərə alaraq, ondan daha səmərəli istifadə edilməsi məqsədilə xidmətin tanıtdırılması yolları müzakirə edilir.

Müzakirələr nəticəsində “Azercell” nömrələrindən istifadə edən və fəaliyyəti aktiv olan 30 min vergi ödəyicisinə, eləcə də SMS xidmətindən istifadə üçün qeydiyyatdan keçmiş, lakin abunə olmamış şəxslərə ödənişsiz abunəlik xidmətinin 3 ay müddətinə aktivləşdirilməsinə dair icraçı şirkətlə razılıq əldə edilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.