İDMAN


Viorel İordokesku: Vüqar Həşimov Azərbaycanın şahmat tarixində silinməz izlər buraxıb

Bakı, 25 iyul, Samirə Allahverdiyeva, AZƏRTAC

Vüqar Həşimov Azərbaycanın şahmat tarixində silinməz izlər buraxıb. O, dünya şahmat ictimaiyyəti arasında öz peşəkarlığı və səmimiyyəti ilə hər zaman yaddaşlardadır.

Bu sözləri AZƏRTAC-a məxsusi müsahibəsində Azərbaycanın məşhur şahmatçısı, mərhum Vüqar Həşimovun məşqçisi, moldovalı Viorel İordokesku söyləyib.

O deyib: “Vüqar həmişə digər tələbələrimdən fərqlənib. Onun şahmata yanaşması, idmanın bu növünə olan sevgisi və yüksək peşəkarlığı həmişə məndə xoş təəssürat yaradıb. Vüqar qazandığı uğurlara arxayınlaşmır, öz üzərində çalışır və hər zaman yeni hədəflərə nail olmaq istəyirdi”.

“Vüqar həyatdan tez köçdüyü üçün onun arzuları yarımçıq qaldı. Bu gün onun arzularından ən əsası gerçəkləşib. Onun adına Bakıda akademiya fəaliyyət göstərir. Akademiya Azərbaycanda şahmatın inkişafına, istedadlı idmançıların üzə çıxarılmasına, şahmatın kütləviləşməsinə mühüm təsir göstərir”, - deyə moldovalı məşqçi əlavə edib.

Viorel İordokesku deyib: “Uşaqlar Vüqarın partiyalarını mütləq öyrənməlidirlər. Onun qazandığı nailiyyətlər əksər şahmatçılar üçün əlçatmazdır. Bu gün onun yoxluğunu qəbul etmək çətindir. Biz onu daim xatırlayırıq. Uşaqlar Vüqardan öyrənməklə potensiallarını artırmalı, uğur qazanmalıdırlar”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.