DÜNYA


Vladimir Putin yaponiyalı jurnalistlərə “Yume” ləqəbli itini göstərib

Bakı, 13 dekabr, AZƏRTAC

Yaponiya KİV-lərinə müsahibəsindən əvvəl Rusiya Prezidenti Vladimir Putin jurnalistlərin xahişi ilə onlara “Yume” (Arzu) ləqəbli itini göstərib.

AZƏRTAC TASS informasiya agentliyinə istinadla xəbər verir ki, Rusiya Prezidenti akita-inu cinsındən olan itin onu həmişə müdafiə etdiyini bildirib.

Bu iti Putinə 2012-ci ildə Yaponiyanın Akita prefekturasının rəhbərliyi bağışlayıb. Rusiya prezidenti isə əvəzində Akita qubernatoruna Sibir pişiyi hədiyyə edib. Akita-inu Yaponiyada populyar it cinslərindən biridir və baş rolda Riçard Girin çəkildiyi “Xatiko” filmindən sonra dünyada məşhurlaşmağa başlayıb.

Putin heyvanlara sevgisi ilə tanınır. Onun “kolleksiyasında” digər populyar cinslərdən olan itlər də var.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.