SİYASƏT


Vyanada ümummilli lider Heydər Əliyevin xatirəsi anılıb

A+ A

Vyana, 14 dekabr, AZƏRTAC

Azərbaycan xalqının ümummilli lideri Heydər Əliyevin vəfatının 13-cü ildönümü ilə əlaqədar Vyanada anım mərasimi keçirilib.

Avstriya-Türk Federasiyasının binasında keçirilən tədbirdə ölkəmizin səfirliyinin əməkdaşları, Azərbaycan və Türkiyə icmasının nümayəndələri iştirak ediblər.

Azərbaycanın Avstriyadakı səfirliyinin və Federasiyanın əməkdaşları çıxışlarında müasir müstəqil Azərbaycanın memarı və qurucusu Heydər Əliyevin həyat yolundan, xalq və Vətən qarşısındakı misilsiz xidmətlərindən danışıblar. Qeyd edilib ki, ümummilli lider Heydər Əliyev təkcə Azərbaycanın deyil, eləcə də türk dünyasının önəmli siyasətçilərindən olub. “Bir millət, iki dövlət” prinsipinə uyğun olaraq, dahi rəhbərin Azərbaycan ilə Türkiyə arasında dostluq və qardaşlıq əlaqələrinin möhkəmlənməsi üçün göstərdiyi fəaliyyət məmnunluqla qeyd edilib.

Sonra ulu öndər Heydər Əliyevin ruhuna dualar oxunub, ehsan verilib.

Elgün Niftəliyev

AZƏRTAC-ın xüsusi müxbiri

Vyana

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.