DÜNYA


Vyetnamda yanğın: 13 nəfər ölüb, çox sayda insan xəsarət alıb VİDEO

A+ A

Bakı, 2 noyabr, AZƏRTAC

Vyetnamın paytaxtı Hanoy şəhərindəki karaoke salonunda baş verən yanğın nəticəsində 13 nəfər həyatını itirib, 2-si polis əməkdaşı olmaqla, çox sayda insan xəsarət alıb.

AZƏRTAC Anadolu informasiya agentliyinə istinadla xəbər verir ki, “VnExpress” qəzetinin məlumatına görə, 8 mərtəbəli binada başlayan yanğın sürətlə yaxınlıqdakı binalara yayılıb. Hələlik səbəbi bilinməyən yanğını yalnız 5 saatdan sonra nəzarət altına almaq mümkün olub.

Baş nazir Nguyen Xuan Phuc hadisə ilə bağlı təhqiqata başlandığını açıqlayıb. O, ölkədə çox yayılmış karaoke salonlarında təhlükəsizlik tədbirlərini gücləndirməyə çağırıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.