DÜNYA


WannaCry virusu Almaniya Dəmir Yollarından da yan keçməyib

Berlin, 13 may, AZƏRTAC 

Almaniyanın Deutsche Bahn (DB) dəmir yol konserni, cümə günü, mayın 12-də bütün dünyada müxtəlif müəssisə və təşkilatlara şiddətli kiberhücumların arxasında dayanan xakerlərin növbəti qurbanı olub. DB-nin bir sıra kompüter sistemlərinə yoluxdurulmuş WannaCry (WannaDecrypt0r) proqramı ondan yaxa qurtarmaq müqabilində pul tələb edir.

“Funke Mediengruppe” nəşrinin bu gün verdiyi məlumata görə, şirkətin yeddi regional dispetçer mərkəzindən azı biri zərbə altına alınıb. Hannoverdə idarəetmə sistemlərinin hamısı sıradan çıxarılıb, kompüterlərin bir qismini söndürmək qərara alınıb. Kiberhücum ilk növbədə şimal istiqamətində hərəkət edən qatarların rejiminə təsir göstərib. Hadisənin dəqiq miqyası hələ müəyyən edilməlidir.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.