DÜNYA


Wiz-Art qısametrajlı filmlər festivalının qalibləri mükafatlandırılıb

A+ A

Bakı, 9 avqust, AZƏRTAC

Ukraynanın Lvov şəhərində 9-cu beynəlxalq Wiz-Art qısametrajlı filmlər festivalı başa çatıb. Beynəlxalq müsabiqə proqramında 4 mükafat - Qran-pri, həmçinin ən yaxşı rejissor, ssenari və operator işinə görə mükafatlar təqdim olunub.

Kanada istehsalı olan “Estakada” filmi (rejissor Patris Laliberte) festivalın Qran-prisinə layiq görülüb. Ən yaxşı rejissor işinə görə mükafatı isə “Erkinin qayıdışı” filmi ilə Mariya Quskova (Rusiya) qazanıb. Avstriya və Almaniyanın birgə istehsalı olan rejissor Tim Elrixin “Vanna” filmi ən yaxşı ssenariyə görə mükafat alıb. İrlandiyalı rejissor Muiriş Kroulinin “Havada dəyişkənlik” filmi isə ən yaxşı operator işinə görə fərqləndirilib.

Tima Elrixin “Vanna” filmi həm də tamaşaçıların seçiminə görə ən yaxşı film sayılıb. Builki Wiz-Art qısametrajlı filmlər festivalının mövzusu “İşığın yaranması” olub. Bununla da Lvovda kinonun ilk ictimai nümayişinin 100 illiyi qeyd olunub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.