İQTİSADİYYAT


“Wood Mackenzie”: 2035-ci ilədək ABŞ-da istehsal edilən LNG-nin 60 faizi Avropa bazarına çıxarılacaq

Bakı, 20 aprel, Nihad Budaqov, AZƏRTAC

2035-ci ilə qədər ABŞ-da istehsal edilən mayeləşdirilmiş təbii qazın (LNG) 60 faizi Avropa bazarına çatdırılacaq.

AZƏRTAC xəbər verir ki, bu barədə mərkəzi ofisi Şotlandiyada yerləşən “Wood Mackenzie” araşdırma və konsaltinq şirkətinin hesabatında deyilir. Bildirilir ki, yaxın gələcəkdə qlobal qaz bazarı yenidən formalaşacaq və LNG tədarükçülərinin sayı xeyli artacaq.

Dünya Qaz İttifaqının məlumatına görə, qlobal LNG ticarəti ötən il 2015-ci illə müqayisədə 5 faiz artaraq 258 milyon tona çatıb. Keçənilki həcm LNG ticarətində rekord göstərici sayılır.

Qlobal bazarda ötən il ən çox LNG idxal edən ölkə 83,3 milyon ton ilə Yaponiya, ən çox mayeləşdirilmiş təbii qaz ixrac edən ölkə isə 77,2 milyon tonla Qətər olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.