REGİONLAR


Xaçmazda 1500 hektardan çox sahədə yeni fındıq bağları salınıb

Xaçmaz, 10 fevral, Elxan Yusifli, AZƏRTAC

Prezident İlham Əliyevin ölkəyə daha çox valyuta gətirən məhsulların yetişdirilməsinə üstünlük verilməsi ilə bağlı göstərişlərinə əsasən, Xaçmaz rayonunda bu istiqamətdə bir sıra işlər həyata keçirilir.

AZƏRTAC xəbər verir ki, artıq rayonda 1500 hektardan çox sahədə yeni fındıq bağları salınıb.

Xaçmaz respublikada fındıq bağlarının artırılması nəzərdə tutulan 12 rayondan biridir. Ölkə üzrə 40 min hektar yeni fındıq bağlarının salınması nəzərdə tutulur ki, bunun da 5 min 16 hektarı Xaçmaz rayonunun payına düşür.

Bununla bağlı rayonda xüsusi qərargah yaradılıb və ilk növbədə, yeni fındıq bağlarının əkilməsi nəzərdə tutulan ərazilər müəyyən edilib. Bu sahələrin 2 min 70 hektarı dövlət, 2 min 946 hektarı bələdiyyə mülkiyyətinə aiddir. Həmin torpaqların 736 hektarı suvarılan, 4280 hektarı suvarılmayan ərazilərdir. Mövcud 4 min 249 hektar bar verən fındıq bağlarından yeni bağların salınması üçün təxminən 2 milyon ədəd fındıq pöhrəsinin tədarük edilməsi nəzərdə tutulub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.