REGİONLAR


Xaçmazda yağ radiatorunun partlaması nəticəsində iki nəfər xəsarət alıb VİDEO

Xaçmaz, 26 may, Elxan Yusifli, AZƏRTAC

Xaçmazda yağ radiatorunun (qızdırıcı) partlaması nəticəsində iki nəfər xəsarət alıb.

AZƏRTAC xəbər verir ki, hadisə rayonun Yergüc kəndində Elxan Orucova məxsus evin həyətindəki yarımtikilidə baş verib. Qonşuluqda yaşayan 1975-ci il təvəllüdlü Orucova Gülnarə Şahlar qızı və 1957-ci il təvəllüdlü Abdullayeva Şamama Məhəmməd qızı çörək bişirmək üçün istifadə olunan soba hazırlayarkən yaxınlıqdakı yağ radiatoru partlayıb. Hadisə nəticəsində hər iki qadın yanıq xəsarətləri alıb.

Yaralılar dərhal Xaçmaz Mərkəzi Rayon Xəstəxanasına aparılıb. Hər iki qadına üz və bədənin müxtəlif nahiyələrinin termiki alov yanıqları diaqnozu qoyulub. İlkin tibbi yardımdan sonra yaralılar Bakı şəhərindəki tibb müəssisəsinə göndəriliblər.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.