MƏDƏNİYYƏT


Xalça Muzeyində könüllülərə ustad dərsləri keçirilib

Bakı, 16 may, Aynur İsmayılova, AZƏRTAC

Mayın 16-da Azərbaycan Xalça Muzeyində, Azərbaycan Dövlət Mədəniyyət və İncəsənət Universitetinin (ADMİU) birgə layihəsi əsasında könüllülərə ustad dərsləri keçirilib.

AZƏRTAC xəbər verir ki, tədbirdə muzeyin direktoru sənətşünaslıq üzrə fəlsəfə doktoru, İCOM-Azərbaycan Milli Komitəsinin sədri Şirin Məlikova, muzeyin şöbə müdiri Aygün Abbasova, ADMİU-nun kafedra müdiri, dosent Yeganə Eyvazova, Milli Azərbaycan Tarixi Muzeyinin “Xarici əlaqələr və Elmi-Kütləvi iş” şöbəsinin elmi işçisi Sahibə Ələkbərova və başqaları çıxış edərək Azərbaycanın mədəni irsinin qorunub saxlanması, nümayiş etdirilib, təbliğ olunması və bütün dünyaya çatdırılmasında könüllülərin xüsusi rolunun olduğunu qeyd ediblər.

Bildirilib ki, məqsəd muzeyşünas tələbələrin muzey işində təcrübə bacarıq və qabiliyyətlərə yiyələnməsi üçün muzey könüllüləri hərəkatını formalaşdırmaq, inkişaf etdirmək və gənclərin muzeylərə marağının artırılmasından ibarətdir.

Vurğulanıb ki, muzey işinə bu cür həvəs göstərən gənc nəslin yetişməsi bir muzey işçisi kimi çox sevindirici haldır. Bu müddət ərzində muzeydə olan tələbələr zəngin təcrübə toplayır, tədbirlərdə iştirak edib, gələn ziyarətçilərlə təmasda olmaq və onlara xidmət göstərilməsi sahəsində fəallıq göstərirlər. Bu onların qabiliyyət və bacarıqlarından istifadə etməsinə şərait yaradır. Burada qazandıqları təcrübə, onlara nəinki muzeydə, hətta digər sahələrdə çalışsalar da, bir kadr kimi formalaşmalarında əhəmiyyətli rol oynayacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.