MƏDƏNİYYƏT


Xalq Artisti Mobil Əhmədovun xatirəsi anılıb

A+ A

Bakı, 9 sentyabr, AZƏRTAC

Səbail rayon MKS -nin 6 nömrəli filialında Xalq Artisti Mobil Əhmədovun anadan olmasının 85 illiyi ilə münasibətilə “Aktyorun tale yolları” adlı “dəyirmi masa” təşkil edilib.

AZƏRTAC xəbər verir ki, tədbirdə sənətkarın həyat və yaradıcılığından danışılıb.

Bildirilib ki, M.Əhmədov vokal ifaçılıq tərzini dramatik və komik aktyor oyunu ilə yüksək sənətkarlıqla sintez etməyin bünövrəsini qoyanlardan olub.

Çıxışlarda sənətkarın klassik operettalarda və klassik milli dramaturgiya əsasında yazılmış musiqili komediyalarda oynadığı rollardan söz açılıb.

Diqqətə çatdırılıb ki, M.Əhmədovun radionun fondunda 600-dən çox lent yazısı var. Qazandığı nailiyyətlərin kökündə onun daxili sənət yanğısı, yaradıcılıq ehtirası durur.

Həmişə realist oyun tərzi, sərbəst və əlvan çalarlı ifa üslubu ilə böyük tamaşaçı sevgisi qazanan aktyor-müğənni bundan sonra da onu sevənlərin xatirəsində daima yaşayacaqdır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.