MƏDƏNİYYƏT


Xalq Artisti Siyavuş Aslanın xatirəsi anılıb

A+ A

Bakı, 6 sentyabr, AZƏRTAC

Azərbaycan Dövlət Akademik Milli Dram Teatrının kollektivi tanınmış teatr və kino aktyoru, Xalq Artisti Siyavuş Aslanın anadan olmasının 81-ci ildönümü münasibətilə sənətkarın məzarını ziyarət edib.

Teatrın mətbuat xidmətindən AZƏRTAC-a bildirilib ki, teatrın bədii rəhbəri və direktoru, Xalq Artisti Azərpaşa Nemət çıxış edərək Siyavuş Aslanın həyat və yaradıcılığı haqqında danışıb, görkəmli aktyorun Azərbaycan teatr və kino sənətində əvəzsiz xidmətlərindən söz açıb.

Vurğulanıb ki, S.Aslanın işıqlı xatirəsi Azərbaycan tamaşaçısının qəlbində hörmət və ehtiramla yaşayır. Tamaşaçılar onun yaratdığı obrazları hər zaman sevgi və sayğı ilə yada salır. Faciə və dramatik rolların məharətli ifaçısı olan Siyavuş Aslan xoşbəxt sənətkar kimi sənət aləmində öz missiyasını şərəflə yerinə yetirib, Azərbaycan mədəniyyətinin sərhədlərini hər zaman genişləndirib.

Çıxışlarda unudulmaz sənətkarın Azərbaycan mədəniyyətinin, xüsusən teatr və kino sənətinin inkişafındakı xidmətlərindən danışılıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.