MƏDƏNİYYƏT


Xalq Rəssamı Elbəy Rzaquliyevin xatirəsi anılacaq

Bakı, 8 dekabr, AZƏRTAC

Dekabrın 14-də Dövlət Film Fondunda Xalq Rəssamı Elbəy Rzaquliyevin 90 illiyinə həsr olunmuş xatirə gecəsi keçiriləcək.

AZƏRTAC xəbər verir ki, Mədəniyyət və Turizm Nazirliyi və Azərbaycan Respublikası Kinematoqrafçılar İttifaqının təşkilatçılığı ilə gerçəkləşəcək tədbir çərçivəsində unudulmaz sənətkarın xatirəsinə həsr olunmuş fotosərgi açılacaq, həyat və yaradıcılığını əks etdirən videoçarx təqdim ediləcək.

Gecədə “Yaddaş” sənədli filmlər studiyasında lentə alınan rejissor Mübariz Nağıyevin görkəmli sənətkara həsr etdiyi “Arzularını çəkən rəssam” sənədli filmi nümayiş olunacaq.

Qeyd edək ki, Elbəy Rzaquliyevin çəkdiyi tablolar müasir Azərbaycan boyakarlığı və qrafika sənətinin qiymətli nümunələri kimi dünyanın bir çox sərgi salonlarında, rəsm qalereyalarında və muzeylərdə sərgilənir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.