MƏDƏNİYYƏT


Xalq Şairi Söhrab Tahirin 90 illik yubileyi qeyd edilib

A+ A

Bakı, Zərəngiz Mansurova, AZƏRTAC

Martin 28-də Azərbaycan Yazıçılar Birliyinin (AYB) “Natəvan” klubunda birliyin və Dünya Azərbaycanlıları Mədəniyyət Mərkəzinin qadınlar şurasının birgə təşkilatçılığı ilə Xalq Şairi Söhrab Tahirin 90 illik yubileyinə həsr edilmiş tədbir keçirilib.

AYB-nin sədri Xalq Yazıçısı Anar şairin həyat yolundan və bənzərsiz yaradıcılığından söhbət açıb.

Tədbirdə Xalq şairləri Fikrət Qoca, Nəriman Həsənzadə, Sabir Rüstəmxanlı, Əməkdar Artist Yaqub Zurufçu və digər çıxış edənlər korifey sənətkarın sənət və ədəbiyyat tariximizdə silinməz iz qoyduğunu, əməyinə yüksək qiymət verildiyini vurğulayıblar.

Bildirilib ki, vətənindən didərgin düşmüş soydaşlarımızın nisgili Söhrab Tahirin şeirlərində zərif, xəfif şəkildə əksini tapıb.

Diqqətə çatdırılıb ki, gününü qələmsiz, yazı masasız keçirməyən Söhrab Tahir çağdaş qələm sahiblərindən ən məhsuldarıdır. İndiyə qədər 1000-dən çox şeiri, 57 poeması, 8 romanı, 10 povesti, 70-dən çox hekayəsi, 800-dən artıq ədəbi-elmi-publisistik məqaləsi çap olunub. Bununla yanaşı, xarici ölkələrdə də kitabları nəşr edilib.

Səhhəti ilə bağlı tədbirdə iştirak edə bilməyən şairə uzun ömür, can sağlığı arzulanıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.