MƏDƏNİYYƏT


Xalq Yazıçısı Elçinin “Seçilmiş əsərləri” Özbəkistanda çap edilib

Daşkənd, 13 iyul, AZƏRTAC

Azərbaycanın Xalq Yazıçısı Elçinin “Seçilmiş əsərləri”nin ikicildliyi Daşkənddə “Global Books” nəşriyyatında özbək dilində nəfis tərtibatda çapdan çıxıb. Birinci cilddə “Baladadaşın ilk məhəbbəti”, “Baladadaşın toy hamamı” povestləri və 13 hekayəsi yer alıb. İkinci cildə isə yazıçının “Mahmud və Məryəm” və “Ağ dəvə” romanları daxil edilib.

Bundan əvvəl Elçinin povest və hekayələri “Cahan ədəbiyyatı” jurnalı və digər ədəbi nəşrlərdə dərc olunub.

Hər iki kitabı ədəbiyyatımızın yaxın dostu, şair və tərcüməçi Usman Kuçkar orijinaldan çevirib. U.Kuçkar uzun illərdir ki, Azərbaycan ədəbiyyatı nümunələrini özbək dilinə tərcümə edir. O, Xalq Yazıçısı Yusif Səmədoğlunun “Qətl günü”, Xalq Yazıçısı Anarın “Beşmərtəbəli evin altıncı mərtəbəsi” romanlarını, “Mən, sən, o və telefon” hekayəsini, həmçinin “Qırmızı limuzin” hekayələr kitabını özbək dilində çap etdirib.

U.Kuçkarın tərcüməsində Xalq Şairi Sabir Rüstəmxanlının “Göy tanrı”, Yunus Oğuzun “Əmir Teymur”, “Şah arvadı və cadugər” romanları da özbək oxucularına çatdırılıb.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.