REGİONLAR


Xalq artistləri Afaq Bəşirqızı və Valeh Kərimov illər sonra Sumqayıt teatrının səhnəsində VİDEO

Sumqayıt, 19 aprel, Ətrabə Rzayeva, AZƏRTAC

Hüseyn Ərəblinski adına Sumqayıt Dövlət Dram Teatrına dəvət olunan Xalq artistləri Afaq Bəşirqızı və Valeh Kərimov illər sonra bir səhnəni bölüşüblər. Teatr tamaşaçıların qarşısına yeni tamaşa ilə çıxıb.

AZƏRTAC xəbər verir ki, aprelin 18-də İsi Məlikzadə və Süleyman Ələsgərovun “Subaylarınızdan görəsiniz” musiqili komediyası əsasında səhnələşdirilən “Toy olsun” adlı yeni tamaşanın premyerası olub.

Tamaşanın ilk izləyiciləri sırasında Sumqayıt Şəhər İcra Hakimiyyətinin başçısı Zakir Fərəcov, şəhər ictimaiyyətinin nümayəndələri, həmçinin Bakıdan gələn qonaqlar olub.

Sumqayıt teatrının səhnəsində Səməni və Seyfi obrazlarını canlandıran Xalq artistlərinin və digər aktyorların improvizələri maraqla qarşılanıb. Sevgi, ailə-məişət mövzusunda olan tamaşada seçim azadlığı, hiylə, xəyanət, ailə münasibətləri komik süzgəcdən keçirilərək tamaşaçıya təqdim edilir.

Tamaşanın rejissoru Əməkdar Artist Firuddin Məhərrəmovdur. Rolları Əməkdar artistlər Növrəstə Həşimova, İzaməddin Bağırov, İlahə Səfərova, Cəlal Məmmədov və aktyorlar Akif Mirzəyev, Oqtay Mehdiyev ifa ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.