MƏDƏNİYYƏT


Xalq artistlərinin yubileyləri qeyd olunacaq

A+ A

Bakı, 19 sentyabr, AZƏRTAC

Azərbaycan Dövlət Gənc Tamaşaçılar Teatrında iki qocaman sənətkar və Xalq Artistinin yubileyi münasibətilə yeni tamaşanın hazırlıqlarına start verilib.

Teatrın mətbuat xidmətindən AZƏRTAC-a bildirilib ki, Ağaxan Salmanlının anadan olmasının 75, Yasin Qarayevin isə 70 illik yubileylərinə hazırlanan yeni səhnə əsəri “Açarını itirənlər” adlanır.

Əhməd Orucəlinin eyniadlı komediyası əsasında hazırlanan tamaşanın quruluşçu rejissoru Ağaxan Salmanlıdır. Video və kompyuter qrafikası İlham Əsədov, musiqi tərtibatı isə İradə Muradovaya məxsusdur.

Yeni səhnə əsərində əsas obrazları yubilyarlarla yanaşı, Əməkdar Artist Almaz Mustafayeva, aktyorlar Zemfira Əbdülsəmədova və İlham Əsədov canlandıracaqlar.

İki görkəmli sənətkarın yubileyi münasibətilə təqdim olunacaq tamaşanın premyerası cari ilin dekabrında keçiriləcək.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.