Xarkovda dəm qazından zəhərlənən bir ailənin dörd üzvü ölüb
Kiyev, 13 fevral, AZƏRTAC
Fevralın 13-də Ukraynanın Xarkov vilayətində dəm qazından boğularaq bir ailənin 4 üzvü ölüb.
Bu barədə AZƏRTAC Xarkov vilayətinin Fövqəladə Hallar üzrə Dövlət Xidmətinə istinadən məlumat verir.
Ölənlərdən biri 38 yaşlı kişi, digəri 33 yaşlı qadın, ikisi isə 9 və 3 yaşlı uşaqlardı.
Faktla bağlı Fövqəladə Hallar üzrə Dövlət Xidməti, milli polis və prokurorluğun mobil-operativ qrupu araşdırma aparır.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
