DÜNYA


Xeops ehramında iki gizli otaq tapılıb

A+ A

Qahirə, 19 oktyabr, AZƏRTAC 

Misirin Cizə şəhərində yerləşən Xeops ehramında iki gizli otaq tapılıb.

Yerli KİV-lərin yaydığı məlumata görə, indiyə qədər məlum olmayan otaqlar qədim tikililəri xüsusi şüalarla işıqlandıran cihazın köməyi ilə aşkar edilib. Otaqlar ehramın şimal-şərq bucağında, tikilinin dərinliklərinə aparan dəhlizin düz üstündə yerləşir. Hazırda boşluqların forması, ölçüsü və yeri öyrənilir. İlkin nəticələr oktyabr ayının sonunda məlum olacaq.

Qeyd edək ki, ötən il Misirin Çarlar vadisində firon Tutanhamonun sərdabasının skanlanması zamanı da gizli otaq tapılıb. Arxeoloqların fikrincə, bu otaqda Nefertiti dəfn olunub.

Asya Hacızadə

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.