İQTİSADİYYAT


“Xəyal Adası”nda yaşayış binalarının tikintisi 2017-ci ilin əvvəlində başa çatdırılacaq

A+ A

Bakı, 22 noyabr, AZƏRTAC

Heydər Əliyev Beynəlxalq Aeroportuna gedən yolun üzərində yerləşən “Xəyal Adası”nın (Dreamland) ərazisi 320 hektardır. Bu, yüksək standartlara cavab verən yaşayış, ticarət, əyləncə və idman sahələrini əhatə edən layihədir.

Bu sözləri “Azərsun Holdinq” Şirkətlər Qrupunun “Xəyal Adası” layihəsinin meneceri Bahar Duzgun Bakı Ekspo Mərkəzində keçirilən RecExpo II Azərbaycan Beynəlxalq Daşınmaz Əmlak və İnvestisiya Sərgisində AZƏRTAC-a müsahibəsində deyib.

Onun sözlərinə görə, layihə üzrə 234 təmirsiz villa, 66 hektar qolf sahəsi, 294 təmirli mənzil nəzərdə tutulub. Burada tikiləcək məktəb kompleksində uşaq bağçası, gimnastika və idman zalları, futbol meydançası istifadəyə veriləcək.

“Xəyal Adası”nda həmçinin paytaxtın ən böyük ticarət mərkəzi, mehmanxana inşa olunur, beynəlxalq səviyyəli yarışların keçirilməsinə imkan verən Qolf Mərkəzi, göllər və peyzaj sahələri yaradılır. Tikinti işlərində iki mindən artıq yerli işçi çalışır.

Bahar Duzgun vurğulayıb ki, müasir tələblərə cavab verən yaşayış binalarının 2017-ci ilin fevral ayında başa çatdırılması planlaşdırılır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.