ELM VƏ TƏHSİL


Xəzər Universiteti “QS” təşkilatının reytinq siyahısında

Bakı, 8 iyun, AZƏRTAC

İyunun 8-də “QS” universitetlərin reytinqi təşkilatı dünya üzrə ali təhsil müəssisələrinin 2017-ci il üçün reytinqini müəyyənləşdirib. Reytinq siyahısında Xəzər Universiteti Azərbaycan universitetləri arasında birinci yeri tutur, dünya universitetləri arasında isə 701-750 aralığında yerləşir.

Xəzər Universitetindən AZƏRTAC-a bildirilib ki, təşkilat dünyada fəaliyyətdə olan təxminən 26 min universitet haqqında araşdırma aparıb. Xəzər Universiteti dünyanın 2,7 faiz seçilmiş aparıcı universitetləri sırasına daxil edilib.

“QS” təşkilatı dünya universitetlərinin fəaliyyətini 6 əsas meyar üzrə qiymətləndirir. Bu meyarlar - akademik nüfuz, elmi məqalələrdən sitat gətirmə, müəllim-tələbə nisbəti, işəgötürənlər arasında nüfuz, xarici müəllimlərin və xarici tələbələrin sayıdır.

Xəzər Universiteti dünya universitetləri arasında beynəlxalq tələbələrin qəbuluna görə 388-ci, müəllim-tələbə nisbətinə görə 339-cu, xarici müəllimlərə görə isə 253-cü yeri tutub.

“QS” təşkilatının son reytinq cədvəli haqqında ətraflı məlumatı bu linkdən əldə etmək olar:

https://www.topuniversities.com/university-rankings/world-university-rankings/2018

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.