İQTİSADİYYAT


Xəzər dənizində baş verən fırtına səbəbindən mindən çox vaqonun daşınması gecikir

Bakı, 12 dekabr, Elvin Camalov, AZƏRTAC

Xəzər dənizində baş verən güclü külək və fırtına səbəbindən “Gürcüstan Dəmir Yolları” SC vasitəsilə Azərbaycandan keçməklə Mərkəzi Asiya ölkələrinə bərə ilə hərəkət edən tranzit yüklərin daşınması gecikir.

Bu barədə “Azərbaycan Dəmir Yolları” QSC-nin mətbuat katibi Nadir Əzməmmədov AZƏRTAC-a deyib.

O bildirib ki, Xəzər dənizində baş verən fırtına və güclü külək səbəbindən Gürcüstandan gələrək Azərbaycandan keçən və əks istiqamətdə hərəkət edən vaqonların daşınması dayandırılıb. Hazırda 1045 vaqon - 602-si Azərbaycanda, 443-ü isə Gürcüstan ərazisində toplanıb.

N.Əzməmmədovun sözlərinə görə, əks istiqamətdə daşımalarda da gözləmə baş verir. Belə ki, Türkmənistanın Türkmənbaşı limanında 339 ədəd vaqon, Qazaxıstanın Aktau limanında isə 226 vaqon toplanıb.

Mətbuat katibi qeyd edib ki, problemin aradan qaldırılması üçün “Gürcüstan Dəmir Yolları” SC ilə danışıqlar aparılır və iş koordinasiyalı şəkildə həyata keçirilsin.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.