ELM VƏ TEXNOLOGİYA


Xəzərin ekoloji sabitliyinin qorunması üçün Xəzəryanı ölkələr birgə səy göstərməlidirlər

A+ A

Bakı, 24 oktyabr, AZƏRTAC

Rusiyanın Mahaçqala şəhərində Dağıstan Dövlət Universitetinin yaranmasının 85 illiyinə həsr olunan “Xəzər - dostluq və ümid dənizi“ mövzusunda beynəlxalq elmi–praktik konfrans keçirilib.

Azərbaycan Milli Elmlər Akademiyasının (AMEA) Mikrobiologiya İnstitutundan AZƏRTAC-a bildiriblər ki, tədbirdə bu elm müəssisəsinin direktoru, akademik Məmməd Salmanov “Xəzər dənizində antropogen evtroplaşmanın oksigen rejiminə təsiri” mövzusunda məruzə ilə çıxış edib. Vurğulanıb ki, Xəzər dənizinin ekoloji sabitliyi, qiymətli fauna və florasının qorunması Xəzəryanı ölkələrin birgə səylərindən asılıdır. Xəzərin ekoloji vəziyyətinə mənfi təsir edən başlıca antropogen amillərdən biri də oksigen sərfinin artmasıdır. Qeyd olunub ki, bu kimi problemlərin aradan qaldırılması istiqamətində birgə tədbirlər planı hazırlanmalıdır.

Dünyanın bir sıra ölkələrinin elm adamlarını bir araya gətirən konfrans gələcəkdə dövlətlər arasında əlaqələrin genişlənməsi və möhkəmlənməsi baxımından əhəmiyyətlidir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.