CƏMİYYƏT


Xəzərin sahil zolağında 10 hektar ərazi tullantılardan təmizlənib

A+ A

Bakı, 1 oktyabr, AZƏRTAC

Ekologiya və Təbii Sərvətlər Nazirliyi (ETSN) tərəfindən “Xəzər həftəsi” ilə bağlı hazırlanmış müvafiq tədbirlər planına əsasən oktyabrın 1-də Hövsan-Türkan çimərliyinin ərazisində iməcilik keçirilib.

Nazirliyin mətbuat xidmətindən AZƏRTAC-a bildirilib ki, 200-dən artıq insanın iştirak etdiyi iməcilikdə Xəzər dənizinin sahil zolağının 10 hektar ərazisi 10 kubmetrdən artıq tullantılardan təmizlənib. “Xəzər həftəsi” çərçivəsində ETSN tərəfindən keçirilmiş bütün tədbirlər dənizin ekoloji cəhətdən saflığının və davamlılığının qorunmasına, onun sərvətlərinin mühafizə olunmasına, eyni zamanda, ictimaiyyətin maarifləndirilməsinə yönəlib.

Qeyd edək ki, dünyada hər il qeyd olunan Beynəlxalq Dəniz Günü ərəfəsində Azərbaycanda “Xəzər həftəsi” adı altında praktiki və maarifləndirici aksiyalar keçirilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.