MƏDƏNİYYƏT


Xocalı dəhşətlərindən bəhs edən monotamaşa Türkiyə səhnəsində

Bakı, 20 dekabr, AZƏRTAC 

Azərbaycan Dövlət Musiqili Teatrının aktyoru Elçin İmanovun rejissoru olduğu Aygün Həsənoğlunun “Adsız qadın” monotamaşasının Türkiyədə premyerası keçirilib.

Teatrın mətbuat xidmətindən AZƏRTAC-a bildirilib ki, Xocalı qətliamından, xalqımızın tarixi soyqırımından bəhs edən tamaşa İstanbul Azərbaycan Mədəniyyət Evinin təşkilatçılığı ilə Üsküdar Kərəm Yılmazər Səhnəsində nümayiş olunub. Monotamaşada rolu aktrisa Kəmalə Kamilqızı ifa edib. Tamaşada Azərbaycan və türk musiqilərindən istifadə olunub.

Premyerada çıxış edən teatrın direktoru, Əməkdar İncəsənət Xadimi Əliqismət Lalayev deyib: “Xocalı dəhşətlərini, erməni vandallarının törətdiyi ağlasığmaz vəhşilikləri dünyaya bəyan etmək hər bir azərbaycanlının müqəddəs borcudur. Bu baxımdan səhnə əsərinin nümayişi faciənin bütün dəhşətlərini bir daha gündəmə gətirir. Tamaşanın maraqlı cəhətlərindən biri də teatr və kinonun sintez edilməsindədir. Səhnə əsərində Xocalı dəhşətlərini əks etdirən sənədli kadrlardan istifadə olunub. “Adsız qadın” monotamaşasında mənfur qonşularımızın vəhşiliklərini daha da kəsərli nümayiş etdirmək üçün müəyyən kütləvi səhnələr yer alıb. Bu səhnələrdə Türkiyədə yaşayan azərbaycanlılar, xüsusən də tələbələr iştirak ediblər”.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.