CƏMİYYƏT


Yanğın nəticəsində 16 hektar əraziyə ziyan dəyib

Bakı, 12 iyul, AZƏRTAC

Ötən gün saat 14 radələrində Qızılağac Dövlət Təbiət Qoruğunun ərazisində baş vermiş yanğın təxminən 6 saat sonra Ekologiya və Təbii Sərvətlər Nazirliyinin (ETSN) və Fövqəladə Hallar Nazirliyinin (FHN) yerli qurumlarının əməkdaşlarının səyləri nəticəsində söndürülüb.

ETSN-in mətbuat xidmətindən AZƏRTAC-a bildirilib ki, ilkin hesablamalara görə, yanğın nəticəsində 16 hektar ərazidə quru ot və kol örtüyünə ziyan dəyib.

Yanğının baş verdiyi ərazi əsasən, dəniz sahili, qamışlıq-bataqlıqdan ibarətdir. Bununla yanaşı, müşayiət olunan külək onun söndürülməsində bir qədər çətinlik yaradıb. Əraziyə cəlb olunmuş FHN-in Lənkəran və Masallı rayonlarının yanğından mühafizə bölmələrinin texnika və canlı qüvvəsindən, Qızılağac Dövlət Təbiət Qoruğunun və ETSN-in müvafiq yerli qurumlarının əməkdaşlarının əl əməyindən istifadə edilməklə həyata keçirilən intensiv tədbirlər nəticəsində yanğının söndürülməsinə nail olunub.

Yanğının hansı səbəbdən baş verməsi və dəymiş ziyanın həcminin müəyyən olunması məqsədilə hazırda araşdırma aparılır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.