DÜNYA
Yaponiya Ətraf Mühit Nazirliyi tullantıların emalı üzrə “nou-hau” ixracını fəallaşdırır
Tokio, 27 iyul, AZƏRTAC
Yaponiya Ətraf Mühit Nazirliyinin əməkdaşları inkişaf etməkdə olan ölkələrə tullantıların emalı üzrə “nou-hau”nun və yeni texnologiyaların ixracını fəallaşdırır.
Nazirlik tərəfindən tullantıların yandırılması və emalı sisteminin yaradılması məqsədilə infrastruktur obyektlərinin inşası imkanları araşdırılır.
Nazirliyin tətbiq etdiyi strategiya tullantıların toplanması, növlərə ayrılması və emalı sisteminin layihələndirilməsini nəzərdə tutur. Nazirlikdən bildiriblər ki, bir çox inkişaf etməkdə olan ölkələr belə sistemlərə malik deyil.
Plan həmin müəssisələr üçün mütəxəssislərin hazırlanmasını da nəzərdə tutur.
Vüqar Ağayev
AZƏRTAC-ın xüsusi müxbiri
Tokio