DÜNYA
Yaponiya Demokratik Partiyası yeni liderini seçib
Tokio, 15 sentyabr, AZƏRTAC
Yaponiyanın ən böyük müxalif siyasi təşkilatı olan Demokratik Partiya (YDP) sentyabrın 15-də yeni liderini seçib.
YDP-nin sədri vəzifəsi uğrunda üç namizəd mübarizə aparıb – partiyanın sədri vəzifəsini icra edən Renho, sabiq xarici işlər naziri Seyci Maehara və parlament məsələləri üzrə komitə sədrinin müavini Yuiçiro Tamaki.
İki həftə davam edən seçkiöncəsi kampaniya zamanı namizədlər 2012-ci ildə hakimiyyətdən uzaqlaşdırılan YDP-nin öz mövqelərini bərpa etməsi üçün vacib olan məsələlərdən danışıblar. Namizədlər, həmçinin parlamentin aşağı palatasına qarşıdan gələn seçkilərdə digər müxalif partiyalarla əməkdaşlıq məsələlərini də müzakirə ediblər.
Səsvermə partiyanın bu gün keçirilən qurultayında baş tutub. 48 yaşlı Renho digər namizədləri üstələyərək YDP-nin yeni sədri seçilib. O, YDP tarixində partiyanın sədri seçilən ilk qadındır.
Partiyanın yeni lideri sabiq sədr Katsuya Okadanı əvəz edib.
Vüqar Ağayev
AZƏRTAC-ın xüsusi müxbiri
Tokio
MÜƏLLİFLƏ ƏLAQƏ
Bölmənin digər xəbərləri
- 28.03.2024 [16:14]
Latviyanın xarici işlər naziri istefa verib
- 28.03.2024 [15:42]
Gürcüstanda ailə quranların sayı 14,5 faiz azalıb
- 28.03.2024 [14:43]
Gürcüstan iqlim dəyişikliyi ilə mübarizəyə 3,7 milyard lari xərcləyəcək
- 28.03.2024 [14:37]
Nyu-York metrosunda zorakılıq halları artıb
- 28.03.2024 [14:35]
Sorğu: Bayden Trampı 3 faiz fərqlə qabaqlayır
- 28.03.2024 [14:13]