DÜNYA


Yaponiya hökuməti: İmperatorun taxt-tacdan imtinası üçün xüsusi qanun lazımdır

A+ A

Tokio, 7 oktyabr, AZƏRTAC

Yaponiya hökuməti bildirib ki, İmperator Akihitonun taxt-tacdan imtinasını təmin etmək üçün yalnız ona münasibətdə xüsusi qanun hazırlanmalıdır. Bu barədə parlamentin deputatlarından birinin Nazirlər Kabinetinə ünvanladığı sorğuya hazırlanan yazılı cavabda bildirilib.

Konstitusiyaya əsasən, yapon imperatorlarının taxt-tacı mövcud qanunvericiliyə uyğun olaraq ötürülür. Həmin qanuna görə, yalnız mövcud monarx dünyasının dəyişdikdən sonra taxt-tac vəliəhdə verilir. Hökumətin cavabında deyilir: “Mövcud qanunvericilikdən fərdi şəkildə yayınmağa imkan verən xüsusi qanun hazırlanmalıdır”.

Xəbər verdiyimiz kimi, 82 yaşlı İmperator Akihito yaşının çox olması ilə əlaqədar taxt-tacdan imtina etmək istəməsi barədə eyham vurub. Bu barədə o, avqustda millətə ünvanladığı radiomüraciətində danışıb.

Hökumət məsələnin həlli məqsədilə ötən ay mütəxəssislərdən ibarət xüsusi şura təsis edib. Yaponiya tarixində yapon monarxların sağlıqlarında taxt-tacdan imtina etməsi barədə faktlar məlumdur. Sonuncu dəfə belə bir hadisə 1817-ci ildə baş verib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.