DÜNYA


Yaponiya hökuməti avtomobil istehsalçılarını təhlükəsizliyi yüksəltməyə çağırıb

Tokio, 14 iyun, AZƏRTAC

Yaponiya hökuməti yaşlı sürücülər tərəfindən yol nəqliyyat hadisələrinin sayının artması ilə əlaqədar istehsalçı şirkətləri avtomobillərin təhlükəsizliyini yüksəltməyə çağırıb.

Hökumətin dərc etdiyi “Yol hərəkətinin təhlükəsizliyi barədə Ağ kitab”da qeyd edilir ki, son vaxtlar yaşı 75-dən yuxarı olan sürücülər tərəfindən ölümlə nəticələn yol-nəqliyyat hadisələrinin sayı artıb.

Hesabatda bildirilir ki, bu hadisələrin təqribən 30 faizi sürücülərin səhvən əyləc pedalı əvəzinə sürət pedalını basması səbəbindən baş verir.

Sənəd istehsalçı şirkətlərə avtomatik əyləc mexanizminin qurulması daxil olmaqla avtomobillərin təhlükəsizliyini yüksəltməyi və bununla da yaşlı insanlar tərəfindən qəzaların törədilməsinin qarşısını almağı tövsiyə edir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.