DÜNYA


Yaponiya ilə Koreyanın müdafiə nazirləri arasında qaynar xətt fəaliyyət göstərəcək

Tokio, 23 iyun, AZƏRTAC 

Yaponiya və Koreya Respublikası cari ilin payızında Şimali Koreyanın nüvə və raket proqramlarını tənzimləmək məqsədilə əməkdaşlığı genişləndirmək üçün müdafiə nazirləri arasında qaynar xətt açacaq. Bu barədə “Nikkey” qəzeti hərbi dairələrdəki mənbələrə istinadla məlumat yayıb.

Qaynar xəttin fəaliyyətə başlayacağı dəqiq tarix barədə məlumat verilmir. Hazırda Yaponiya ilə Koreyanın yalnız nazir müavinləri arasında qaynar xətt mövcuddur.

Nəşrin bildirdiyinə görə, qaynar xəttin açılış tarixi Yaponiyanın Baş nazirinin Koreya Prezidenti ilə iyul ayında Almaniyada keçiriləcək “G20” Sammiti çərçivəsində görüşü zamanı dəqiqləşəcək. Hər iki ölkənin liderləri dəfələrlə Şimali Koreyanın təxribatçı hərəkətlərinə qarşı qarşılıqlı fəaliyyəti gücləndirməyin zəruriliyini qeyd ediblər.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.