DÜNYA


Yaponiya iqlim üzrə Paris razılaşmasının ratifikasiyası üçün lazım olan prosedurları başa çatdırıb

A+ A

Tokio, 9 noyabr, AZƏRTAC

Yaponiya iqlim üzrə Paris razılaşmasının ratifikasiyası üçün lazım olan bütün prosedurları başa çatdırıb və qlobal istiləşmənin qarşısının alınması ilə əlaqədar beynəlxalq tədbirlərə qoşulacaq.

Yaponiyanın BMT-dəki nümayəndəsinin müavini Hiroşi Minami noyabrın 9-da lazımi sənədləri təşkilatın mənzil-qərargahına təqdim edib. Sənədlərin təqdimatından 30 gün sonra Yaponiya Paris razılaşmasına qoşulan 103-cü ölkə olacaq.

Hazırda razılaşmaya qoşulan iştirakçı ölkələr onun detallarını BMT-nin Mərakeşdə keçirilən COP22 iqlim dəyişmələri konfransında müzakirə edirlər.

Yaponiya noyabrın 4-də qüvvəyə minən razılaşmaya qoşulmaq üçün lazımi sənədləri vaxtında ratifikasiya edə bilmədiyinə görə konfransda müşahidəçi statusunda iştirak edir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.