MƏDƏNİYYƏT


Yaponiya musiqiçiləri Bakıda hərarətlə qarşılanıb

A+ A

Bakı, 2 iyul, Ceyhun Alışlı, AZƏRTAC

İyulun 2-də Xətai rayonundakı Heydər Əliyev Parkının ərazisində yerləşən "Yapon bağı"nda Yaponiyanın “Va-Liqa” musiqi qrupu möhtəşəm konsert proqramı ilə çıxış edib.

AZƏRTAC xəbər verir ki, konsert Yaponiyanın Azərbaycandakı səfirliyi və Xətai rayon İcra Hakimiyyətinin birgə təşkilatçılığı ilə baş tutub. Xətai rayon İcra Hakimiyyətinin başçısı Razim Məmmədov çıxış edərək belə konsertlərin ölkəmizdə təşkilini yüksək qiymətləndirib.

Yaponiyanın ölkəmizdəki səfiri Tsuquo Takahişi bildirib ki, Azərbaycan ilə Yaponiya arasında digər sahələrdə olduğu kimi mədəniyyət sahəsində də əlaqələr uğurla inkişaf edir.

Daha sonra prodüser Takahisa Terutoşinin rəhbərliyi ilə "Va liqa" musiqi qrupu səhnəyə çıxıb. Biri-birindən maraqlı yapon musiqi nömrələri səsləndirən qrupun çıxışı tamaşaçılar tərəfindən alqışlarla qarşılanıb.

Azərbaycanda üçüncü dəfə qonaq olan "Va liqa" qrupu 53 ölkədə konsert proqramları ilə çıxış edib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.