DÜNYA


Yaponiya paytaxtında 29-cu Tokio Beynəlxalq Film festivalı başlayıb

A+ A

Tokio, 26 oktyabr, AZƏRTAC

Oktyabrın 25-də Yaponiyanın paytaxtında çoxsaylı yerli sənətkarların və xarici qonaqların qatıldığı 29-cu Tokio Beynəlxalq Film Festivalının açılış mərasimi keçirilib.

Yaponiyanın Baş naziri Şinzo Abenin də qatıldığı festival məşhur Ropponqi rayonunda tanınmış aktyorların, aktrisaların və rejissorların qırmızı xalça üzərində keçidi ilə başlayıb.

Festivalda 1500-dən çox ekran əsəri arasından seçilmiş 15 film əsas mükafat uğrunda mübarizə aparacaq. Onların arasında iki yapon filmi – Dayqo Matsuinin “Yapon qızlar heç vaxt ölmürlər” və Kiki Suqinonun özünün baş rolu ifa etdiyi “Qar qadın” filmləri də var.

Qaliblər noyabrın 3-də festivalın bağlanış günü elan olunacaq.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.