DÜNYA


Yaponiya tarixində ən böyük təyyarə qəzasının qurbanlarının xatirəsi anılıb

A+ A

Tokio, 12 avqust, AZƏRTAC.

Avqustun 12-də Yaponiya tarixində ən böyük təyyarə qəzasının 31-ci ildönümü qeyd edilib. Qəza nəticəsində həlak olanların qohumları Tokionun şimalında yerləşən dağdakı qəza ərazisinə qalxaraq, onların xatirəsini anıblar.

1985-ci il avqustun 12-də “Yaponiya Hava Yolları” şirkətinə məxsus olan təyyarə Qumma prefekturasında dağa çırpılıb. Nəticədə göyərtədə olan 520 nəfər həlak olub.

Faciə nəticəsində həlak olanların qohumları həmin vaxtdan başlayaraq, hər il qəza ərazisinə qalxaraq burada anım mərasimi keçirirlər.

Cari ildə də onlar dağın yaxınlığındakı kənddə toplaşaraq onun zirvəsinə doğru hərəkət ediblər.

Qəza sahəsinə çatanlar kenotafın yaxınlığında həlak olanların ruhuna dualar oxuyublar.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.