İQTİSADİYYAT


Yaponiya turizm sənayesinin nümayəndələri ölkəmizə səfər edəcək

A+ A

Bakı, 8 oktyabr, AZƏRTAC

Mədəniyyət və Turizm Nazirliyinin beynəlxalq fəaliyyətinin prioritetlərindən biri də Azərbaycanın turizm potensialının dünyada təbliğidir. Bu istiqamətdə müxtəlif ölkələrin turizm şirkətlərinin nümayəndələrinin mütəmadi olaraq ölkəmizə info-turları təşkil edilir. Bununla əlaqədar Mədəniyyət və Turizm Nazirliyinin təşkilatçılığı, eləcə də ölkəmizin Yaponiyadakı səfirliyinin, Türk Hava Yollarının Bakı ofisinin və “Gilan Hospitality Group”un dəstəyi ilə Yaponiyanın turizm sənayesi üzrə nümayəndə heyəti oktyabrın 10-dan 14-dək ölkəmizdə səfərdə olacaq.

Mədəniyyət və Turizm Nazirliyindən AZƏRTAC-a bildirilib ki, səfər çərçivəsində oktyabrın 10-da Azərbaycan və Yaponiyanın turizm şirkətləri nümayəndələrinin iştirakı ilə Yaponiya Turizm Agentlikləri və Assosiasiyasının Prezidenti Tadaşi Şimura tərəfindən “Yaponiya getmə turizmi bazarının xüsusiyyətləri” mövzusunda təqdimat keçiriləcək.

Qeyd edək ki, nümayəndə heyətinin Bakı ilə yanaşı, Şəki, İsmayıllı və Qəbələ rayonları ilə tanışlığı planlaşdırılır.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.