DÜNYA


Yaponiya və Vyetnam qeyri-leqal balıq ovuna  qarşı birgə təlimlər keçiriblər

Tokio, 16 iyun, AZƏRTAC 

Yaponiyanın Sahil Mühafizəsi Xidməti Vyetnam Dəniz Polisi ilə birlikdə ilk dəfə Cənubi Çin dənizində qeyri-leqal balıq ovuna qarşı birgə təlimlər keçiriblər.

Təlimlər Vyetnam tərəfinin xahişi ilə iyunun 16-da Mərkəzi Vyetnamın Dananq şəhərinin sahillərində keçirilib.

Cənub-şərqi Asiyanın bu hissəsində, Vyetnama məxsus sularda Çin balıqçı gəmiləri və eyni zamanda, başqa ölkələrdən olan gəmilər qeyri-leqal balıq ovu ilə məşğuldurlar.

Təlimlərdə Yaponiyanın “Etiqo” patrul gəmisi və iki il bundan əvvəl Yaponiyanın Vyetnama bağışladığı patrul gəmiləri iştirak ediblər.

Yaponiyanın rəsmi nümayəndələri vyetnamlı həmkarlarına bildiriblər ki, onlar qeyri-qanuni balıq ovu ilə məşğul olanları saxlamazdan əvvəl sübut üçün onların fotolarını və ya videogörüntülərini çəkməlidirlər.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.