DÜNYA


Yaponiya xüsusi yerləşdirmə sisteminə malik raketin buraxılışını uğurla həyata keçirib

Tokio, 1 iyun, AZƏRTAC 

İyunun 1-də Yaponiya xüsusi yerləşdirmə sisteminə malik süni peyklə təchiz edilmiş raketin buraxılışını uğurla həyata keçirib. Yaponiyanın cənub-qərbində yerləşən Taneqaşima kosmik mərkəzindən kosmosa buraxılan H-2A raketinin daşıdığı süni peyk yapon qlobal yerləşdirmə sisteminin tərkib hissəsinə çevriləcək.

Raketin kosmik orbitə çıxardığı “Michibiki №2” yerləşdirmə sisteminə daxil olan dördüncü süni peyk olacaq.

ABŞ-ın rəhbərliyi altında fəaliyyət göstərən GPS qlobal yerləşdirmə sistemi təqribən 10 metr xətaya yol verir. “Michibiki” süni peyki GPS ilə birləşdikdən sonra həmin xətanın bir neçə santimetrə enəcəyi bildirilir.

Yapon şirkətləri həmin sistemdən özü idarə edilən tikinti texnikası ilə iş, yüklərin dronlar vasitəsilə çatdırılması və digər məqsədlər üçün istifadə etməyi planlaşdırır.

“Michibiki” sisteminin gələn ilin yazından fəaliyyətə başlayacağı bildirilir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.