DÜNYA


Yaponiyada aeroportun əməkdaşları təyyarənin ayaqyolundan qızıl külçələr tapıblar

Tokio, 11 iyul, AZƏRTAC

Yaponiyanın Kansay aeroportunun əməkdaşları Tayvandan gəlmiş “Vanilla Air” şirkətinə məxsus sərnişin təyyarəsinin ayaqyolunda bir neçə on kiloqramdan artıq qızıl külçələr aşkar ediblər.

NHK telekanalının məlumatına görə, təyyarə bazar günü səhər aeroporta enib. Budan sonra aviaşirkətin nümayəndələri təhlükəsizlik xidmətinə ayaqyolundakı divarın qəribə göründüyü barədə məlumat veriblər.

Hava gəmisinə baxış zamanı ayaqyolundakı panellərin arxasında bir neçə on kiloqramdan artıq qızıl külçələrin gizlədildiyi məlum olub.

Hazırda aeroportun təhlükəsizlik xidmətinin əməkdaşları qiymətli metalın kim tərəfindən təyyarədə gizlədildiyini araşdırırlar. Hadisə barədə əlavə məlumat verilmir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.