DÜNYA


Yaponiyada isti hava altı nəfərin ölümünə səbəb olub

Tokio, 26 iyul, AZƏRTAC

Yaponiyada isti hava altı nəfərin ölümünə, altı mindən çox sakinin xəstəxanalara yerləşdirilməsinə səbəb olub. Onların əksəriyyəti yaşı 65-dən yuxarı insanlardır.

Yaponiya Yanğından Mühafizə İdarəsinin yaydığı məlumata görə, bu faktlar iyulun 17-dən 23-dək olan müddətdə qeydə alınıb. Xəstəxanaya yerləşdirilən adamların böyük əksəriyyəti Tokio paytaxt dairəsində, Osaka, Hyoqo, Saytama, Fukuoka, Aiçi prefekturalarında və Hokkaydo adasında qeydə alınıb.

Yaponiya Baş Meteorologiya Agentliyinin məlumatına görə, yaxın günlərdə isti hava şəraiti ölkənin əksər rayonlarında davam edəcək. Bununla əlaqədar meteoroloqlar əhalini kondisionerlərdən daha çox istifadə etməyə, uzun müddət açıq havada qalmamağa, həmçinin sudan çox istifadə etməyə çağırırlar.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.