DÜNYA


Yaponiyalı nazir sürət həddini aşdığına görə 600 dollar cərimələnib

A+ A

Bakı, 16 sentyabr, AZƏRTAC

Yaponiya məhkəməsi Okinava və “şimal ərazilərin” (cənubi Kuril adaları) işi üzrə dövlət nazirini sürət həddini aşdığına görə təxminən 600 dollar cərimə edib.

AZƏRTAC xarici KİV-lərə istinadla xəbər verir ki, 49 yaşlı nazir Yosuke Suruxo bu il iyulun 2-də Osaka prefekturasının İdzumi şəhərindəki trasın saatda 80 kilometr sürət həddi olan hissəsində avtomobilini 123 kilometr sürətlə idarə etdiyinə görə 60 min yen məbləğində cərimələnib.

Nazir hadisəni seçkiqabağı mitinqdə parlamentin yuxarı palatasına namizədlərdən birini dəstəkləməyə gedərkən tıxacda qaldığı üçün tələsməsi ilə izah etsə də, məhkəmə cərimə qərarını qüvvədə saxlayıb.

Yosuke Suruxo bundan əvvəl - 2006-cı ildə də Osaka prefekturasının avtomobil yollarının birində sürət həddini aşdığına görə 70 min yen cərimə olunmuşdu.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.